Causes Of Disease

Sehat ki alami tanzeem world health organization nay duniya kay ramam mulkon ko khabardar kiya ha kay polio ki aik khatarnak qisam Pakistan say cheen pohonch gaee hai. Aqwame muttaheda ki sehat say mutaliq agency nay kaha hai kay cheen mein hal hi mein wild polio virus  top one ka suragh lagaya gaya hai aur Pakistan mein is waqt polio ki jo qisam phaili huee hai in donon mein jiniyati taluq sabit ho chukka hai.

WHO nay kaha hai kay guzishta do mah kay doran cheen mein sankiyang subay mein ji ki sarhadain Pakistan say milti hain WPVI qisam kay polio kay sat marizon ki tasdeeq ho chuki hai world health organization nay ilzam lagaya hai kay Pakistan mein polio say bachao kay qatray pilanay ka nizam durust nahin hai jis ki wajah say polio kay nai waqiyat wahan bhi daikhay jarahai hain. Aur doosray mulkon tak phail rahe hain.

khair pakhtoon khowah bilkhusus fata kay ilaqay mein ab tak do lakh bachon ko polio kay qatra nahin pilaiy ja sakay hain. Alami adarae sehat kay tarjuman Oliver Rozan ka kehna hai kay polio ka type one, type 3 say ziyada khatarnak hai.kiyunkay yah mariz ko maflooj karnay ki ziyada salahiyat rakhta hai  aur tezi say phailta hai type 2 polio ka khatema kiya ja chukka hai world heath organization nay kaha hai kay doosray mulkon ko chahiye kay woh bimariyon ki nigrani walay nizam ko mustahkam karain aur jo log Pakistan ka safar karna chahtey hain inhain chahiye ka woh wahan janey say pehlay polio kay bachao kay tikay lagwakar khud ko mehfooz karlain.

"India today" nay apnay taza tarin shumaray mein bharat kay nojawanon mein amraze qalb ki barhti huee shikayaton par ail sansani khaiz khususi report shaya ki hai jis mein bataya gaya hai kay umar ki 30 ween dahaee mein zindati guzarnay walay nojawanon mein heart attack ka khatrah bohot ziyada barh chukka hai aur 40 sal say kam umar heart attack kay alami mareezon ki fehrist mein bharti mard sab say upper hain bharti rozay nay khurduni tail tayar karnewali aik company kay sath mil kar isi sal aik sarway kiya tha jis mein shehriyon mein Rihaish pazeer 46 hazar mardon ki sehat ka jaiza liya gaya tha.

Sarway mein yah inkeshaf huwa kay 30 aur 34 sal kay 78 fisad mardon mein dil kay doray ka khatrah barha huwa hai aur un kay dil in ki asal umar say kahin ziyada tezi say burhaiy horahe hain is sarvay mein jo khas khas batain samnay aaeen in mein say chand hasbe zail hain. Woh nojawan ji ki clander umar 31 sal hai in kay dil kay ausat hayatati Biological umar 38 sal hochuki hai yani paidaish kay lehaz say woh 31 sal kay hain laikin in kay dil 38 sal kay hochukay hain. Bharat mein salana jitney heart attack kay waqiat hotay hain in mein 12 fisad dil ka dorah 40 sal say kam afrad par parta hai. Jabkay umer kay is group mein alami satah par yeh sharah 5.6 fisad hai 30 say 39 sal kay woh nojawan jo cigrate penain walay nojawanon key dil say 8 sal baraiy hotay hain. Cigrate noshi ki wajah say bharat mein har 5 mein say aik mard ko mot waqah hoti hai.

Cigerate noshi ki sharian ki andruni deewaron ko nuqsan pohonchta hai in mein sozish paida hoti hai aur colestrol kit ah jamnay lagti hai  jis kay natijay mein sharianay tang hojati hain aur khoon ka bahao memulai kay mutabiq nahin rehta kamar jitni ziyada chori hogi imraze qalb ka khatrah utna hi ziyada hoga.

Bharat mein har doosra nojawan jis ki umar 30 say 39  sal kay darmiyan hai mutapay ka shikar hai aur mutapay kay chart mein chundi garh aur dehli sare fahrist hain 54 fisad bharti nojawan ka body mass index zaroorat say ziyadah hai bharat kay shehron mein rehnay walay 53 fisad nojawan din bhar sabziyon ya salad ki aik ya is say bhi kam sarong khatay hain Ahmedabad aur kolamjur kay nojawan is mamlay mein sab say gaey guzray hain wahan 60 fisad nojawan sabziyon  say parhaiz kartay hain 65 fisad bharti nojawan shehri intehaee sust hain inhain chaq o choband aur mutaharik zindagi bilkul pasand nahin baith kar ya lait kar zindagi guzarna ziyadah acha lagta hai.

Poona mein nojawan sab say ziyada mutaharik daikhay gaey hain. Jabkay Ahmedabad aur Hyderabad sakkan sust tareen nojawanon kay shehar hain.73 fisad bharti Shehron mein raihaish pazeer afrad rozana sabit anaj wali koee cheez nahin khatay chunay mein yah soorate hal bad tarin hai wahan kay 80 fisad nojawan sabit anaj wali ghizaon say parhaiz kartay hain. 34 fisad bharti shehriyon kodin bhar mein ail phal bhi khana pasand nahin jin shehron mein sab say kam phal khaya jata hai in mein Ahmedabad 46 fisad Hyderabad 36 fisad  aur culcatta mein 36 fisad shamil hain.

Back mein dard ki bayshumar wajuhat hosakti hain leikin is say bachnay aur is kay ilaaj ka aik tariqa yeh bhi hai agar aap kay uthnay, baithnay, laitnay aur chalnay ka andaz durust nahin hai aur zindagi kay mukhtalif amoor anjam daitay huway aap apnay jisam ko is terha nahin rakhtay ya is terha istemal nahin kartay jis terha karna chahiye to is ghalat tariqay aur andaz ko durust karain.jisam ko munasib andaz mein rakhnay ka sirf yah matlab nahin hai ka aap bilkul sidhay tan kar kharay hon ya seena bahal nikal kar chaplain bulkay is ka matlab yah hai kay aap hama waqt apnay jisam ko munasib andaz mein istemal karain. Haqiqat yah hai ka agar aap apnay jisam ko intehaee sehat mand halat mein kam karnay kay qabil rakhna chahtay hain to isay is terha istemal karain kay pathon aur joron samit sakhat hadiyon aur naram kurkuri haddiyon par zaroorat say ziyada bojh aparaiy.

Khas tor par agar aap kamar kay dard say bachna chahte hain to is qisam kay dabao aur bojh say parhaiz zindagi ka lazma hona hahiye aur is ka amli muzahirah laitnay,baithny, kharay honey ,chalnay, kam karnay aur warzish karnay kay doran hona chahiye.jab jisam durust halat mein hota hai to jisam kay andruni aaza ko itni jagah mil jati hai kay woh asani say normal andaz mein kam karsakain aur jisam mein khoon bhi ziyada asani say dor sakay.

Ham yahan aap ko mahireen kay mashwaray kay mutabiq jisam ko durust andaz mein rakhnay kay tariqay qist war batain gay. Jin par amal karkay aap kamar kay dard say mehfooz reh saktay hain.is silsilay mein khususi tawajoh haston par dainy chahiye jin ki takeed aram karnay kay moqah par ki gaee hai.kiyun kay aam tor par jab log bistar par daraz hotay hain to bay khayalai aur nadanistagi mein is terhal laittay ya sotay hain jis say kamar aur garden kay pathon par ghair zaruri dabao parta hai. Agar ap tamam surton mein jisam ko durust andaz mein rakhnay ka tariqa seekh gaey to batadrij aap ki chaal dhal durust honai gee aur woh patthay bhi mazboor hojain gay.jo aap ki sakht mehnat karnewali kamar ki hifazat aur inhain sahala dainy mein madad kartay hain.

Roz marrah kay kamon kay injam dahi kay doran kamar kay dard aur isay dabao say mehfooz rakhnay kay liye behtar yah haikay aik kam say farigh hokar doosra shurooh karnay say pehlay kuch dair aram karlay takay thakawat tari na ho aur aap phir say taza dam hojain.khawateen e khana ghar kay mukhtalif kam karti rehti hain inhain chahiye kay woh darmiyan mein thori dair lait kar kamar sidhi karlain. Inhain apni jismani halat par bhi musalsal nazar rakhni chahiye. Aur inhain zaroorat kay mutabiq pait ko andar ki janib, peeth ko seedha aur ghutnon ko morna chahiye. Dain janib batai gaey tariqon par amal say aap ki kamar par kam say kam bojh paray ga aur aap dard say mehfooz rahain gee.