Cricket News In Urdu

Dubai test:
Dubai test mein mazboot aghaz kay baad Pakistani middle order batting larkhara gaee, team nay doosrai din ka ikhtetam 7 wicket par 288 runs bana kar kiya yun isay England par 96 runs ki bartari hasil hogaee Mohd hafeez nay 88 aur taufiq umar nay 58 runs ki umda innings khail kar 114 ki opening partnership banaee deegar batsman achai aghaaz ko bari innings mein tabdeel na karpaey, captain misbah ul haq nay mohtat andaz say khailtai huwe 52 runs banaey  England ki janib Anderson , broad aur sowan nay 2,2 wickets hasil keen  mehman side ikhtetami lamhaat mein Misbah samit 2 wickets lay kar khail mein wapus aaee, Pakistan ki bartari ko barhanay kay liya teesray roz adnan akmal o ikhtetami players ko zimmedari say batting karma hogee. Tafseelaat ka mutabiq dubei international cricket stadium mein Pakistani team nay doosrai din ka aghaz 42 runs say kiya Mohd hafeez (22) aur taufeeq umar (18) nay pur etemad batting jari rakhee, donon nay ghair zaroori taur par khatraat mol laynay  say gurez kiya albatta baishtar loose bollars fielders ko boundary kay paar say utha kar lana parent taufiq nay innings kay 32 overs mein treamlet ko musalsal do chokkai rasid karkay carrier ki 13 ween fifty mukammal ki isi balling kay aglai over mein signal say hafeez nay carrier mein satween bar nisf sanchare ka aizaz paya.

Is say qabl hi team key 100 runs ban chukay thay. Hafeez 44 kay score par run out honay say bhi bachay thay jab E.N.Bail wickton ko nishana na bana sakay English kaptaan is partnership ko tornay kay liye kaee harbay aazmaey jo nakaam rahe 36ween overmein broad team ko pehli kamiyabi dilanay kay qareeb pohonchay  hafeez (52) nay short  gaind par pull short khailnay ka arada aakhri lamhaat mein tabdeel kiya top age kay nateejay mein ball mid on par treamlet ki janib gaee jinhon nay dive laga kar isay sambhalnay ki koshish kee magar nakaam rahe broad nay is kaa ghussa aglee gaind par taufiq (58) ki bales urakar kam kiya isi kay saath 114 runs ki opening shirakat ka ikhtetaam hogaya. England ko doosri wicket kay liye bhi ziyada intezaar na karma para azher ali nay broad ki gaind par prior kay glues mein pohonchanay say qabal khata khola hi tha 2 wickain milnay sai England ko bhi itmainan say khana tanawal karnay ka moqa mayassar aaya.

Pakistan kay liye bhi 138 runs banany ki wajah say fikar ki koee baat na thee. Doosrai session mein bhi hafeez ki umda batting jari rahee yunus khan nay bakhibi in ka saath diya. Opener 88 runs panchween santury kay qareeb pohonch chukay thay ka sawan nay LBW karkay armaan thanday kardiye sweep karnay ki nakam koshish karnewalay hafeez nay faisla refer bhi kiya magar koee faida hasil na hosaka, yunus khan 37 ko bhi isi andaaz say trot nay maidan badar kiya 213 runs par 4 wicktain gunwanay wali team kay captain misbahul haq kay chehray par chai peetay huway kuch fikar bhi nazar aaee aakhri session mein woh 19 aur asad shafiq 5 runs kay saath maidan mein dakhil huway noujawan batsman infaradi score mein mazeed 11 runs jor kar 16 par prior cokage day baithay kamiyaab boular james Anderson thay aisay mein misbah nay intehaee mohtat andaz apnalia. Unhon nay 140 balls par carrier ki 15 ween nisf santury mukammal ki innings kay ikhtetami lamhaat mein sowan nay empire bili bowdon ki janib Pakistani qaid khilaaf LBW ki zordaar appeal mustarad honay par review ka sahara liya yun misbah 52 runs par out qarar pai. Unhon nay Adnan Akmal kay saath chatee wicket kay liya score mein 52 runs ka izafa kiya aglay over mein Anderson nay Abdul Rehman (4) ki wicket ukhaar deen isi kay saath doosrai din ka khail khatam hogaya.

Adnan 24 runs par not out rahe inhain 9 kay infaradi score par chance mila tha jab treamlet ki gend par paterson catch na thaam sakay Pakistan nay 3,104 overs mein 7 wicktain par 288 runs banakar 96 ki bartari hasil karlee hai Anderson, broad aur sowan nay 2,2 wicktain leen. Teesrai roz juld ikhtetamir wickton ka hasool aur phir zimmadarana batting say English team position behtar kar saktee hai.

Pakistan nay world number one England ka guroor khak mein milate huwe dubai test mein 10 wicket say rond diya match ka faisla teesrai hi din hogaya. Fateh side nay 15  runs ka aasan hadaf baghair koee wicket khoay chothai over mein hasil karliya qabal azeen mehmaan side ki batting doosri innings mein bhi tinkon ki manind bikhar gaee , kaee batsmainon nay ghalat short par wicket gunwaee 4 players ko out karney waly pacer Umar Gul nay top order ka safaya kia, spinners Abdulrehman aur Saeed Ajmal nay baqia 3,3 wickton ka batwara karkay English tabahi parmohor sabat kardee.man of the match Saeed nay carrier mein doosri bar match mein 10 wicketain hasil keen.

Wicket keeper Adnan akmal : nay doosri innings mein char aur match mein 7 catches liye, qabarl azeen unhon nay 61 runs ki umdah innings khail kardoosri innings mein Pakistan ka score 338 tak pohonchadiya tha, 3 matches ki series ka doosra test 25 january say abu dhabi mein shurooh hoga.tafseelat kay mutabiq series say qabl English team Pakistan ko kisi khatir mein nahin larahee thee. Us ka khayal tha ka hareef nay teemon ko zair kiya laihaza hamara muqabla nahin kar paey gee. Magar Dubai international cricket stadium mein jo kuch huwa woh kisi kay wahm o guman mein bhi nahin tha  number one team England na Bangladesh aur zambabway ka andaz mein mach kay teesray roz hatiar dal diye.shaeqeen ko tawaqoh thee ka memaan batsman doosri bari mein kuch acha khail paish karain gay magar had say ziyada khud aitemadi inhain lay doobi, ghair miyari bating ki wajah sa doosri innings mein juld hi score board mein 4 wicket par 35 runs ka hindsa darj hogaya is tabahi kay zimme dar fast bowler Umar gull thayjinhain wicket keeper Adnan akmal ki bhar poor moawinat hasil rahee.

Andrew Stross :
Andrew Stross 6 aur allestor kuk 5 runs inhi donon kay gath jor ka shikaar banay, ghair zimmedarana short khailneway kune Peterson (sifar) ko pace nay deep squar league par mourjud Abdul Rehman ki madad say maidan badar kiya.E.N.bell ko saeed Ajmal nay L B W kiya woh faislay say mutmaeen nahin thay magar empires ko is par koee shak na tha is liye review bhi mustarad hogaya. Is say qabal stross pehla review gunwa chukay thay.is overmein troot kay khilaf L B W ki appeal D R S kay zaria bhi haq mein tabdeel na karaska, unhon nay chand achai stroke khailay aur Morgan kay hamraz panchween wicket kay liye 39 runs banay, gaind in kay bat ka kanara chooti huee Adnan kay close mein pohonchee5 wicket par 75 runs bananay kay bad chai peenay wali English team ki ummidain 42 par not  out troot say wabista theen magar woh nisf santury say aik runs qabal ghair zaroori short khailtay huwe Adnan ko innings ka chotha  catch thama baithay.usi kay saath Umar gull nay chothee wicket ka jashan manaya, aglay over mein Saeed ajmal nay prior (4) ko L B W karkay England ki satween wicket giraee us waqt majmooee score 87 tha, Umar gul ko juld hi panchween wicket bhi mil jatee magar replay say ilm huwa keh jis gaind par empire nay Sawan ko LBW qarar diya woh no hai is liye faisla tabdeel hogaya ,stort broad aur gream sawan nay 48 runs ki shirakat say team ka score100 say aagay barhaya, is doran Sawan kay khilaf LBW ki appeal par Saeed ajmal review kay zaria bhi faisla haq mein tabdeel na karasakay, broad (17) nay Abdulrehman ki gaind boundary kay par pohonchanayki koshish mein long aan par Asad shafiq ka hathon mein pohonchadee, agli gaind par treamlet slip mein Hafeez ka catch banay, team ko inning ki shikast say bachanay wale Sawan(39) ki wicket Saeed ajmal ki qismat mein likhee thee jo catch thamnay par Asad kay shukar guzar nazar aaey James anderson15 par not out rahein.

English team :
English team 57.5 overs mein 160 runs banakar rukhsat huwee.Umar gul nay 4 wicketon kay liye63 runs diye Saeed ajmal aur Abdul rehman nay biltarteeb42 aur 37 runs ka awiz 3,3 khilariyon ko out kiya. Pakistan ko fateh kay liye 15 runs ka aasan hadaf milaAnderson kay panchween gaind par Hafeez catch honay say bachay gaind second slip mein Sawan kay pass say hoti hoee third man boundary par kargaee. Hafeez nay chothai ove mein broad ko 2 chokay lagakar team ko kamiyabi say hamkinar karaya woh 15 runs par not out rahe, in kay saath wapus janewalay doosrai opener Taufiq umer nay koee run nahin banaya. Qabal azeen teesray din ka aghaz 7 wicket par 288 runs par girnay wali Pakistani team nay pehli innings mein 338 runs joray, Adnan Akmal nay carrier ki doosri fifty mukamal kartay huway 61 runs ki achi innings khailee. In say qabal Umar gul sifar aur Saeed ajmal 12 par out huway. Sawan nay 107 runs ki pitaaee bardasht kartay huway 4 wicketain leen, broad nay 84 runs day kar 3 khilariyon ko out kiya. Yaad rahe English team pehli innings mein 192 runs par dhair hogaee thee, Saeed Ajmal nay 7 wicketain lee theen.