Faakhir Mehmood

Khush libas khush guftar gulokar ka shumar parhay lekhay aur zaheen funkaron mein hota hai. unonay nehaiat qaleel arsay mein mousiqi ki dunia mein apni alihda pahchan banai. Aj dunia bhar mein Faakhir Mehmood ki Awaz aur Andaz gaiaki ko behad pasand kia jata hai. Ibteda mein mousiqar ki haisiat sey apni salahiaton ka jadoo jagaia aur musical group sey munsilik rahey.

Phir 2002 mein Awaz Group sey elahdgi ekhtiyar kar kay ba haisiat glokar apnay kamyab safar ka agaz kia. “Atish” Faakhir Mehmood a pehla album tha jiski kamiabi ka record qaym kiya. iss kay bad sub too “Sonia muntera” aur ab 2012 mein “Ji chahey “kay naam sey release kia  gaya. Fakhir kay mashhoor gaano mein “Dilnalagey”, “jiya na jaey”, “touba hai touba”, “mahi wey” “sab tuo sonia”, aur “Allah karey” samiat doosrey super hit song shaamil hain. Islamabad mein janam leney waley gulukar Fakhir buniadi tor per Engineer hain. Hukumet Pakistan ki ja’nib sey mousiqi kay showbey mein ala kihdmat anjam deney per unhain Pride of Performance sey bhi nawaza gaya. Pakistan ki tarah bharat mein bhi bey panah maqboliat aur sohrat rakhtey thay. Bharat kay mukhtalif TV channels ki janib say behtareen gulukar ka award bhi hasil ker chukey hain. Fakhir ko yeh aazar bhi hasil hai woh MQM mein Pakistan ki janib sey human development kay shoubey kay safir bhi hain. Dhemey lahjey mein guftagoo ker tay hai Fakhir nay apnay  albam “ji chahaikey” barey mein bataya kay meray iss album ka response bahot acha mil raha hai. Album mein shamil ganey “Allah karey” ki video ko bhi baihud pasand kia jaraha hai. Iss video mein maroof adakar modal “Mah Noor Blaouch” aur “Michel” ko lia gaya hai. Video ki director Amna Khan ney bahut mehnet sey video tayiar ki hai. Issi trah ab is album mein shamil doosrey ganey ”Item bomb” ki video bhi tayaar ker li gai hai.“item bomb” kay video mein film star Zara Shiekh nay hissa lia. Video ki director Sadia Jabbar nay bahot khubsurat video banai hai. Mujhey Umeed Hai kay iss ganay ki video bhi ”Allah karay” ki tarah bay had maqbliat hasil karaygi. Teesray ganey ki video ki bhi shouting shouroo ho chuki hai. Iss mein ek bari model ka cast kia hai.

Sawal "Kia wajah hai kay ab bharat kay bajaye Pakistan mein ziada kam kar rahay hain?"
Fakhir, "aj kal ajeeb-o-gareeb surat hal hai, jisay dekho Mumbai ka ticket katwa ker bharat ja raha hai,aur apna album wahan say release kar raha hai. mein say audio album release karney ka mukhalif her giz nahin houn. Lekin hamain apni home market per insaar karna paray ga. Mein nay apna new album pehlay Pakistan say release kia hai. Ab bharat say bhi release karun ga. Baat darasal yeh hai kay Pakistan aur India kay taluqat gair yaqini rahtay hain. Kabhi achay aur khush gawar taluqat ho jatay hain aur kabhi dono mulkon kay darmiyan talkhian barh jati hain. Aisi surat hal mein artist confusion ka shikar ho jata hai. Pak Bharat taluqat thanday garam chaltay rahain gay hamain to kam karna hai. Iss liyeh apnay mulk mein ziadah kam kernay ka irada hai. Hamaray mulk mein bay panah talent hai. Mein bharat mein shows kernay kay liay jata rahta hun."

Sawal, "Dunia bhar mein shohrat aur bay panah kamiabi kay hasul kay bad ap kaisa mehsoos kartay hain?"
Fakhir nay bataya "Mein apnay zehni sukoon aur andar kay sukoon kay liyeh dor raha hoon. Mein buniadi tour pay electrical engineer hoon, kuch bhi kar sakta tha. mein iss waaqt mousiqi ki taraf aya, jab mousiqi ko koi career nahin samajhta tha aur na hi es shobay mein itna paisa tha jitna aj kal hai. Zindagi main ap woh kam karain, jo ap ka dil chahata hai. Mein nay school kay zamanay hi say gana shuroo ker dia tha."

Sawal, "ap ki fitness ka kia raz hai?"
Fakhir, "Mein sab kuch khata hun. Achar aur icecream bhi kha leta hoon, lekin warzish zaroor karta hun. Sakht sardi mein bhi exercise kar na nahin chorta."

Sawal, Dosray funkaron ki trah ap ka bhi koi flahi adara bananey ka program hai? Is sawal kay jawaab mein Fakhir nay (zara sochtay huwaye) bataya "Mein kisi ki naqal nahin karta."
Fakhir nay mazeed bataya keh, "Pakistan navy kay sath mil ker sailab zadgan kay liay kam kar raha hun.
Zati hasiat mein jo bhi insani khidmat anjam day sakta hun- zaroor karta hun. Falahi adarh bananay ka program nahin."