Islam Question And Answer

Question: Hajj kitnay qisam ka hota hai?  
Answer: Hajj ki teen iqsam (types) hain

1. Hajh-e-Afrad,
2. Hajh-e-Tamta
3. Hajh-e-Quran.

Hajh-e-Afrad
Hajh-e-afrad mein sirf hajj ki niyat say ahram bandha jata hai aur isi ahram say amale hajj ada kiye jatay hain.

Hajh-e-Tamta
Hajh-e-Tamta mein hajj kay mahinon mein sirf umrah ki niyat say ahram bandha jata hai aur umrah ada karkay ahram khol diya jata hai. Phir aath zilhaj ko hajj ki niyat say ahram bandh kar amal hajj ada kiye jatay hain.

Hajj-e-Quran
Hajj-e-Quran mein aik hi ahram mein hajj aur umrah ada kiya jata hai. Pehlay umrah kiya jata hai aur is kay bad halaq (sar kay bal ustaray say saf karana) nahin karaya jata bulkay isi ahram mein rahe kar ahram ki pabandi ki jai aur ath zilhaj  say hi ahram mein hajj kay aamal ada kiye jain.

Hajj-e-Afrad mein qurbani mustajib hai.
Hajj-e-Tamta aur Hajj-e-Quran mein qurbani karna wajib hai.
Meeqat say bahar say anewalay in teenon mein say koee bhi hajj ada karsakte hain.
Lekhin makka mukarrama mein rehnay walon kay liye haje tamta aur haje quran karna manah ha kiyun kay Allah tala nay inhain mawaqeh ata farma rakhay hain kay woh jab chahain meqat kay andar rehnay walay haje afrad hi karsakte hain. 

Musalmano Par Aqwame Alam Ka Charh Ana
Hazrate suban razi allah anho farmatay hain kay nabiye karim Mohammad Mustafa nay farmaya qarib hai kay tum par duniya ki aqwam charh aaein gi(tumhain khanay aur khatam karnay kay liye) jaisay kay khane walon ko khanay kay piyalay par dawat di jati hai kisi nay arz kiya ya rasool allah mohd Mustafa kiya ham us zamanay mein bohot kam hongay? Aap mohd Mustafa nay farmaya nahin bulkay tum us zamanay mein bohot kasrat say hogay laikin tum sailab kay ooper chae huway kuray kabaray ki terha hogay aur allah tala tumharay dushmanon kay sinon say tumhari haibat o rob ko nikal daiga aur allah tala tumharay dilon mein buzdili dal daiga. Kisi kehnay walay nay kaha : ya rasool allah mohd Mustafa buzdili kiya cheez hai? aap mohd Mustafa nay farmaya duniya ki mohabbat aur mot say bezari
 
Jahan Azan Ho Wahan Jamat Mein Shirkat Lazmi Hai
Hazrat Abdullah bin masood razi allah anhoma say riwayat hai farmatay hain kay jis shakhs ko qayamat kay din khudawande tala say kamil darjay ka musalman hokar mulaqat ki tamanna ho to woh shakhs in panch namazon ki hifazat karay kay jis jagha par azad hoti ho to azan ki awaz sun kar namaz bajamat mein shirkat karnay kay wastay hazir ho kiyunkay khudawande quddus nay apnay nabi karim mohd Mustafa kay wastay hidayat kay rastay bata diye in hi raston mein say aik rasta namaz bhi hai aur mera khayal hai kay tum logon mein say koee aik qisam ka admin a hoga kay jis ki aik Masjid us kay makan mein na ho kay jis jagha woh shakhs namaz ada karta hai pas agar tum log apnay apnay makanat mein namaz ada karogay aur Masjid ko nazar andaz kardogay to tum log apnay paghamber mohd Mustafa kay tariqay ko chor dogay aur jis waqt tum nay apnay paighamber mohd Mustafa kay tariqay ko chordiya to rum log gumrahi mein mubtala hojaogay  aur jo bandah musalman achi terha wazu karay phir woh namaz kay wastay (makan say) rawana ho ti allah tala is kayliye aik naik amal likh daiga ya us shakhs ka aik darja buland farma day gay a us shakhs ka aik gunah maf farma dayga  aur tum log daikhtay ho kay jis waqt ham namaz ada karnay kay liye chaltay hain aur ham log chotay chotay qadam rakhtay hain (takay ziyadah nakiyan milain)  aur tum log daikhtay ho kay jamat mein wohi shakhs sharik nahin hota j okay alalailan munafqat rakhta ho aur mein nay (nabi karim mohd Mustafa kay dor mein daikha) kay aik aadmi ko do shakhs sambhal kar latay yahan tak kay woh shakhs saf kay ander khara kardiya jata (yeni sakht bimari ki halat mein bhi Masjid mein akar namaz ada kartay thay)

Parosiyon Ko Takleef Dainay Say Ajar Zaya Ho Jata Hai
Hazrat abu harirah razi allah tala anho say riwayat hai kay rasool allah mohd Mustafa say arz kiya gaya kay falan aurat rat ko qayam (ibadat) karti hai din ko rozah rakhti hai khairat karti hai,sadqa karti hai laikin apni zaban say parosiyon ko aziyat pohonchati hai rasool allah mohd Mustafa nay farmaya is mein koee bhalaee nahin woh ahle dozakh mein say hai arz kiya gaya kay falan aurat farz namaz parhti hai aur paneer kay chand tukray sadqa kardaiti hai albatta kisi ko aziyat nahin pohonchati jis par  rasool allah mohd  Mustafa nay farmaya woh ahle jannat mein say hai.

Ghusal Say Faraghat Kay Bad Wazu Karna Zaroori Nahin
Hazrat Aisha Siddiqa Razi Allah Tala Unha say riwayat hai kay rasool Allah Mohammad Mustafa ghusal say faraghat hasil karnay kay bad wazu nahin farmaya kartay thay (yani ghusal farmanay kay bad namaz ada farmaliya kartay thay)

Ghusal Say Qabal Wazu Karna
Hazrat Aisha Siddiqa Razi Allah Tala Unha say riwayat hai kay Rasool Allah Mohammad Mustafa jis waqt ghusale janabat farmatay to pehlay donon hathon ko dhotay,phir wazu farmatay, jis tariqay say namaz kay wastay kiya jata phir aap mohd Mustafa pani mein ungliyon ko dal kar apnay balon ki jaron mein khalal farmatay phir sar par teen chillu pani daltay phair tamam jisame Mubarak par pani bahatay.

Question: Ayyame hajj kon say hain.
Answer: 8,9,10 ,11,12 zil hajj ayyame hajj hain.

Question: Ayyame hajj mein kiya kiya kam karnay hotay hain.
Answer: Hajj ka pehla din 8 dilhaj hai is roz apni qayam gahhi say haji ghusal karkay ahram bandh lain gay. Ahram kay nafal parhain aur talbeeh parhtay huway mina rawana hojain gay. Aur mina pohonch kar zohar, asar, maghrib aur isha ki namazain apnay khaimay hi mein bajamat ada karain gay.

Kasrat say talbeeh parhtay rahain.raat mina hi mein qayamkarna sunnat hai hajj ka doosra din 9 zilhaj hai is roz fajar ki namaz mina mein parh kar maidane arfat ko rawangi hogi. Zawal kay bad waqufe arfat ka waqt shurooh hoga is waqt khub ro ro kar apnay gunahon ki mafi mangi jai aur sachay dil say apnay gunahon say toba ki jai.

Zohar aur asar ki namazain masjide nimra mein imame hajj kay peechay ada ki jai ya apnay khaimon mein ada karlain aur apna waqt allah tala ko yad kartay huway aura nay aziz o aqarib aur apnay watane aziz ki salamati key liye gharoobe aftab kay bad maghrib ki namaz parhay baghair muzdalfa ko rawana hojain.muzdalfa pohonch kar maghrib aur isha ki namazain ada ki jain.wadiye mehsar (jahan abraha ka hathiyon ka lashkar tabah huwa tha) kay pas say guzartay waqt tezi say istaghfar parhtay huway guszar jain.

Hajj ka teesra din 10 zilhaj hai muzdalfa mein waquf kay bad fajar ki namaz ada karkay mina rawana hojain. Aur zawal say pehlay pehlay sirf jumrah uqba ko kankariyan marain.kunkariyan rat ko muzdalfa hi say uthalain jumrat kay pas say kankariyan na ithain baray shaitan ko sat kankariyan aik aik karkay marni hai. Jumrat ko kankariyan marnay ko rami kaha jata hai rami jumrat kay bad qurbani ki jai qurbani karnay key liye behtar yeh hai kay Saudi hakumat kay Zaire inteszam bank mein qurbani ki raqam jama karadi jainkhud qurbani karnay ki soorat mein bohot say masael paish aa saktai hain qurbani karnay kay bad aik ungli ki pore kay barabar khud kat lain ya apnay mehram say katwalain ab ahram ki pabandiyan khatam hojaingee naha dho kar apna aam libas pehan liya jai is kay bad agar himmat aur taqat ho to usi roz warna 11 ya 12 zilhaj ko tawaf ziyarat kay liye makka mukarrama chalay jain.

Ziyada behtar yeh rehta hai kay 11 zilhaj ko subah subah tawaf  ziyarat kay liye makka mukarrama chalay jain aur wahan say wapsi mein zawal kay bad tinon jumrat ko sat sat kankariyan martay huway apnay khaimon mein chalay jain. Tawaf ziyarat 10 silhaj say lay kar barah zilhaj tak gharoobe aftab say pehlay pehlay tak kiya ja sakta hai. Tawaf ziyarat kay bad saee bhi karni hogi.

Dasween zilhaj ka din guzarnay kay bad rat mina hi mein qayam karna hoga hajj ka chotha din 11 zilhaj hai mina mein zawal kay bad pehlay jumrah awwala phir junrah wasti phir jumrah aqbi ko sat sat kankariyan aik aik karkay marni hai raat ko mina hi mein qayam karna hoga hajj ka panchwan din 12 zilhaj hai mina mein zawal kay bad teenon  jumrat ko tarteeb war aik aik karkay saat kankariyan marni hain aur gharoobe aftab say pehlay pehlay mina ki hadood say bahar nikal jana hai.

Warna phir mina hi mein theharna hoga aur tera zilhaj ko bhi rami jumrat karni hogi. Ayyame hajj mein aar kisi aurat kay mahana ayyam shurooh hojain to woh hajj kay tamam afal baja lai siwai tawaf  aur saee kay pak honey kay bad woh tawaf aur saee karay takhair ki wajah say aurat par koee dam aur kafarah nahin hoga rami mard aur aurat ko khud karna hogi watan rawanti say pehli tawaf  widah karna bho zaroori hai.

Question: Hajiyon ko makka mukarrama aur madina munawwar mein kin baton ka khayal rakhnay ki zaroorat hai.
Answer: Jo log hajj karnay key liye makka mukarrama jain inhain chahiye ka woh wahan pohonch kar khane kaba mein ba jamat namazain ada karain. Koee namaz bhi baghair jamat kay nahin honi chahiye isi terha madina munawwara mein bhi masjide nabwi mein ba jamat namaz ada karnay ki pabandi ki jai is mein kotahi na ki jai.

Question: Hajj karnay key liye duniya kay mukhtalif iaqon say log aatay hain woh mukhtalif andaz mein namazain ada kartay hain kiya un ko is silsilay mein koee masla bataya ja sakta hai?
Answer: Hajjaje karam mukhtalif fiqah kay pairokar hotay hain is liye kisi bhi mislay kay silsilay mein in say behas na ki jai un ko un kay tariqay say namaz parhnay di jai.

Question:Hajj kaisi ibadat hai?
Answer: Hajj tamam ibadat ka majmua hai is mein namaz ki terha dua bhi hai aur ijz o inkesari bhi hai rozay ki terha is mein jafa kashi bhi hai zakat ki terha mal ki qurbani bhi hai aur jahad ki terha jismani mujahida bhi hai kisi shakhs par baj farz ho to usay hajj ki adaigee mein takhair nahin karni chahiye.

Question: Kisi kam kay mutaliq shak ho ka maloom nahin yeh kam jaiz hai ya nahin to aisee soorat mein kiya karna chahiye?
Answer: Jab kisi kam kay jaiz aur na jaiz honay kay mutaliq shak paida hojai to is kam ko karna hi nahin chahiye isay chor daina chahiye.

Question: Ghusal karnay kay bad yeh shak paisha hojai kay jisam kay falan hiwsay tak pani nahin pohoncha to kiya karna chahiye?
Answer: jisam kay jis hissay tak pani na pohonchnay ka shak ho us hisay par pani baha liya jai.

Question: Ghusal kartay waqt jisam kay kisi bhi hissay ko hath nahin mala jis ki wajah say hosakta hai ka jisam ka koee hissa khushk reh gaya ho aur pani wahan tak napohoncha ho to aisee soorat mein kiya ghusal hojaiga?
Answer: Mazkurah soorat mein jisam par pani daltay waqt hathon say achi terha jisam ko mal laina chahiye takay jisam kay har hissay tak pani pohonch jai aur koee hissa bhi khushk na rehnay pai warna ghusal sahih nahin hoga.

Question: Waldain inteqal karchukay hain meri umar kafi hochuki hai walid sahib martay martay chotay bhai ko meray hawalay kar gaey  ka is ka khayal rakhna is ki umar bhi achi khasi hai bazahir to theek thak hai lakin is ki zaban par gandi gandi galiyan charhi huee hain apna hal aisa bana rakha ha jaisay deewana ho libas bhi aisa hi pehnay rehta ha ghar mein hota to bohot hi unchi awaz mein bohot hi gandi galiyan nikalta rehta ha saray ghar walay paraishan hain biwi baitiyan sab is ki taraf say paraishan hain is ka kiya ilaaj kiya jai baz logon nay pagal khanay mein dakhil karanay ko kaha hai baz deeni aur nafsiyati amraz kay doctaron say ilaj kay mutaliq mashwarah daitay hain daikhnay mein to pagal nahin lagta batahiye kiya karoon?
Answer: kisi achay mahire nafsiyat ko dikhain aur un say ilaaj karain aur har namaz kay bad is ki sehat o salamati kay liye allah tala say dua kiya karain is say aap kay sab ghar walay piyar mohabbat ka bartao kiya karain aur piyar aur narmi say is ko samjhaya karain to in shallah woh theek hojai ga.


Question: Waldain nay nabaligh bachi ka nikah kardiya jab woh bachi baligh huee to woh is nikah kay haq mein nehin thi kiyunkay jis larkay kay sath is ka nikah kiya gaya tha us ka kirdar theek nahin tha abhi us larki kar sirf nikah hi huwa tha is ki rukhsati amal mein nahin aaee thi baligh honay kay bad woh larki rukhsati par kisi terha bhi raza mand nahin thi to aisee soorat mein sharan chutkaray ki kiya soorat hosakti hai?
Answer: Nabaligh larki ka nikah kardiya jai to woh nikah to hojata hai laikin shariyat mutahra nay baligh honay kay bad is larki ko yeh haq diya hai kay woh is nikah ko barqarar rakha ya khatam karday yeh khayar balogh kehlata hai agar larki na balighee ki halat mein kiye gaey apnay nikah say khush na ho aur woh isay khatam karna chahay to woh apnay is khayar balogh kay haq ko istemal kartay huway nikah ko khatam katsakti hai aur is kay bad kisi doosri jagha woh nikah karsakti hai is kay liye shohar ki taraf say talaq ki zaroorat nahin hai.

Question: Dua mangi maar woh poori na huee to aisee soorat mein kiya samjha jai?
Answer: Koee shakhs jab khuloose dil say koee dua mangta hai to allah tala isay zaroor pura karta hai  kabhi jaldi aur kabhi dair say is liye dua kay qabool honay mein dair hojai to na umeed na hona chahiye  bulkay yeh yaqeen rakhay allah tala kisi na kisi shakal mein is dua ko zaroor qabool karaiga.

Question: Meri walida ka inteqal hogaya hai in ki jama poonji aik lakh kay qarib hai is raqam kay istemal ka ziyada behtar tariqa kiya hai?
Answer: Waldah kay wirsay mein yeh raqam taqseem kardi jai warison ki marzi kay baghair is raqam ko sadqa khairat karnay ki bhi ijazat nahin haibad mein har waris apnay hissay ki raam jo chahay karay,chahay woh sadqa karay ya kisi bhi istemal mein lai