Pakistan Hockey | News | Hockey Fedration

Yahan yeh baat bhi tawajoh talab hai k Pakistan hockey federation world hockey series k saath khilariyon k mohaede manzare aam par aane k baad se musalsal mutaliqa khilaqiyon ko warning deti rahi hai k agar unhon ne apne mohaede barqarar rakhai aur woh ghair qanooni world hockey series mein shareek huwe to in par Pakistan mein hockey ke hawale se ta hayaat paabandi lagadi jaegee ta ham lugta aisa hai k khilari baghi hogai aur unhon ne P.H.F. ki hidaayat yaa warning par amal daraamad nahin kiya yun 1996 k atlantic Olympics se qabal qaumi team k khilariyon ki baghawat ki yaad aik martaba phir taaza ho gaee ise ajeeb ittefaq ya husn ittefaaq kahiyai k is waqt baghawat ka nishana us waqt k P.H.F.k secretary Mudassir Asghar the jinhon ne aaj ke secretary Asif Bajwah ki tarha baaghi khilariyon ko mukhatib tha k koee khilaree khail se bara nahin hai aur yeh k baghee khilariyon ka yeh amal mulk ki izzat waqat k khilaaf hai wazeh rahai k 1996 ki baghawat mein P.H.F. ke koujuda secretary Asif Bajwa bhi baghee khilariyon mein shamil the aur aaj inhain khud khilariyon ki janib sbaghawat jaisey masael ka saamna hai. Ta ham in donon mamlaat ki noeeyat mein farq hai.

 

Guzishta dinon world hockey series mein shirkat ke liye dehli rawana hone se qabl 2010 Asian games ki fateh Pakistani team ke kaptaan Zeeshan Ashraf ne kaha k aik taraf pakisan hockey federation ne International Hockey khailne ke darwazai band kardiyai hain to doosri taraf Qaumi Hockey Championship mein khilariyon ki umar ki had 30 saal muqarrar kardi hai jab k is se qabal kabhi aisa nahin kiya gaya aisa karne se mukhtalif departments ke khilaree jin ki umar 30 saal ko pohonch gaee hai woh ab apne departments ki bhi numaindagee nahin kar sakte. Yun federation ne khilariyon k khail k darwazai charon taraf se band kardiyai ab woh hamari rozi roti par bhi pabandi lagana chahti hai.

 

Asian games k fateh kaptaan ne kahak 20 saal baad Asian Games ka gold medal jeetnai ke baad P.H.F. ne jo wade kiye the woh abhi tuk purai nahin kiyai abhi tak rozgaar ke liye mare mare phirne wale khilaree, mukhtalif mehakmon mein bohot hi kam ujrat par contract par kaam kar rahe hain halaanke in khilariyon ko mustaqil karne ka wadah kiya gaya tha. Woh aaj tak pura nahin ho saka hai jab k Asian Games jeetnai ke baad ailaan kardah inamaat ki aadhi raqam bhi abhi tak ada nahin di garee hai. New dehli rawana honewale aik aur khilaree Adnan Maqsood ke mutabiq agar inhain mulk mein hocky nahin khailne de ja rahi to zahir hai kahin na kahin to woh hockey khailain gay.

Doosri janib Pakistan Hockey Federation k secretary Asif Bajwa ka kehna tha k world hockey series ghair qanooni hai jisey International Hockey Federation tasleem nahin karti lehaza is league mein shirkat karnewale khilaree aur officials par ta hayaat pabandi lagaee jai gee.in ka kehna tha k league mein woh khilaree shamil hain jin ki umrain nisbatan ziyadah hain unhon ne kaha k federation ne kisi ka paisa nahin roka, Wazire azam Yusuf Raza Gilani ne Asian Games jeetnai per khilariyon ke liye 4 crore rupai inaam ka ailaan kiya tha jis mein se nisf raqam mili jo khilariyon mein taqseem kardi gaee thi.unhon ne wazeh kiya k Shakeel Abbasi aur Wasim Ahmed world series mein shareek nahin hon gai aur un ke khilaaf hockey league mein shirkat se mutaliq khabrain ghalat hain.jabkeh khud Shakeel Abbasi ne bhi shirkat na karne ka ailaan kiya tha.

International Hockey Federation  ki ijazat k baghair bharat ke shehar nai dehli mein munaqid honewali mutanaza world hockey series 17 December seBharat mein schedule hai. Bharat aik aisa mulk hai jahan is se qabal I.PL.ki tarz par mutanaze Indian cricket league shurooh ki gaee thi. Dar asal bharat mein honewale khailon se mutaliq tournaments k liye sponsors nisbatun aasani se mil jate hain.jis ki wajah se wahan paise ki chaka chond ne har aik ko apne sahar mein giraftaar karliya hai world hockey series mein ab tuk duniae hockey mein honewale kisi bhi tournament k muqable mein sab se ziyada yani 20 lakh dollar inaami raqam rakhi gaee hai. Go k tadam tehreer World Series k ineqaad ki tayariyan urooj par theen ta ham hukaam ne muntazmeen se world series, Olympic qualifiers tak multawi kar ne ki darkhowast ki thee. Jis par muntazmeen ne tehreeri zamanat talab ki thee. Daikhna yah hi hai k aaya yeh series munaqid hoti hai yaa nahin. Agar hoti hai to kiya gul khilati hai.

World hockey series mein 61 khilari numaindagi kar rahe the jis mein 8 ka taluq Pakistan se tha Pakistani khilariyon mein 2010 china asian games ki fateh team k kaptaan zeeshan ashraf , qaumi team ke sabiq kaptaan shakeel abbasi, penalty corner specialist imran  warsi, imran khan, sabiq kaptaan rehan butt, tariq aziz, adnan maqsood aur sabiq kaptaan wasim ahmed shamil hain is tarha 8 khilariyon mein se 4 qaumi hockey team k sabiq kaptaan hain. Rehan but ko chundrigarh ki team ka kaptaan , zeeshan ashraf ko karnatak ki team ka kaptaan banayagaya hai. Shakeel abbasi nai dehli aur tariq aziz Punjab team mein shamil hain.in pakisani khilarion ka intekhab world international hockey federation pehlai hi world hockey seriesko ghair qanooni qarar dai chuki hai yeh baat hairan kun hai keh shakeel abbasi aur wasim ahmed aise khilari hain

Hockey series k bharti muntazmeen ne kiya hai. Is silsile mein international hockey federation ya pakisan hockey federation se kisi qisam clearance nahin li gaee hai jab ke jo moujuda team mein bhi shamil hain aur in ka naam world hockey team ke hawale sai bhi samne araha hai.baaqi 6 khilari aise hain jo moujuda team ka hissa nahin hain wazeh rahe ke in tamaam khilariyon ne rawan baras march mein world hockey series k muntazmeen se mohaida kiya tha.