Quran Hadees

Question: Islam nay hakumat kay kin kin shobon mein buniyadi islahat karnay par zor diya hai taka moashray ko kharabiyon say pak kiya jai?
Answer: mohashray ko kharabiyon say pak karnay key liye hakumati satah par jin buniyadi islahat par islam nay zordiya hai in mein sab say awwaliyat nizame talim ko di hai aur is ka andazah is bat say kiya jasakta hai ka allah tala nay apnay akhri nabi hazrat mohd Mustafa  par sab say pehli wahi mein talim ki ahmiyat zahen nasheen karaee kay talim hi aik aisi cheez hai jo logon ki soch ko tabdeel karti hai aur in kay zahen o fikar ko badalti hai is liye sab say pehli cheez yeh hai kay log ghalat ko ghalat aur sahih ko sahih samjhain haq ko haq aur batil ko batil kehnay ki apnay ander himmat aur jurrat paida karain  doosri cheez jis par islam nay sab say ziyadah zor diya hai woh moashi nizam hai islam nay sood ki har soorat ko haram qarar diya hai aur soodi lain dain kay mutaliq irshad farmaya hai kay “un logon say Allah aur Allah kay Rasool Mohammad Mustafa ka ailane jang hai is silsilay mein islam ki hidayat yeh hai kay moashray kay har fard ki buniyadi zaroorton ko pura karna aik islami hakumat ki buniyadi zimmedari hai  woh moashrah mein aala aur adna kay darmiyan farq ko kam say kam karay aur sarbarahe hakumat aur hakumat kay adna karinday kay mushahiron mein farq kam say kam ho  ziyadah say ziyada aik aur panch ka farq hosakta hai yani aik adna darjay kay sarkari karkun ki mahana tankhowah das hazar rupai aur ala say ala darjay kay sarkari karkun yani sadare mumlikat aur wazire azam ko tamam marat kay sath ziyadah say ziyadah pachas hazar rupai mahana tankhowah di jasakti hai is say ziyadah nahin aur marat sab ki  yaksan hon raihaishi sahulaton mein bhi ziyadah farq na ho donon ki abadiyan alag alag nah on sab mil jul kar rahain takay donon ko aik doosray kay masael o mushkilat say agahi ho aur hakumat kay zimmedaran in masael ko hal karsakain tisri cheez nizame hakumat hai  islam ka siyasi aur hakumati nizam shorayat aur khilafat par mabni hai  islam jamhuriyat kay haq mein qatan nahin  mohashray mein fasad phailanay ka sab say aham sabab nizame jamhuriyat hi hai barsare iqtedar jamat apni aksariyat aur hakumat barqarar rakhnay key liye doosri jamaton ko apnay sath milanay kay liye un kay jaiz aur najaiz tamam mutalibat mannay ko tayar hojati hai aur phir har party apni party kay logon hi ko mulazmat say nawazti hai aur doosri tamam marat in logon hi kay liye hoti hain baqi sab log barsare iqtedar party kay logon ki nazar mein koee ahmiyat nahin rakhtay isi say saray fasadat paida hotay hain.

Question: Kiya Makkah Mukarama mein koee ghair muslim jasakta hai?
Answer: Makka Mukarrama mein kisi bhi ghair muslim ko dakhil honay ki ijazat nahin hai.

Question: Kiya haj kay arkan mukka hi mein puray hojatay hain ya madina munawarah jana bhi arcane haj mein say hai?
Answer: Arkane Hajj Makka Mukarama hi mein puray hojatay hain Madina Munawarah jana arkane haj mein shamil nahin hai albatta hazoore akram mohd Mustafa ki mohabbat ka taqaza hai kay madina munawarah bhi jaya jai.

Question: Nadanista koee ghalati hojai to sharan kiya masla hai?
Answer: Allah Tala ki taraf say aisi ghalati maf hai phir bhi agar Allah Tala say mafi mang li jai aur toba karli jai to bohot acha hai.

Question: Rab ka kalam kon sa hai aur yeh kis par utara gaya?
Answer: Quran-e-Hakeem Allah Rabulizzat ka kalam hai aur Rabulalameen ki akhri kitab hai jo us nay apnay akhri Nabi Hazrat Mohammad Mustafa par nazil ki.

Mean Of Islam

Question: Islam kay mani kiya hain?
Answer: Islam kay kani hain itat karna farman bardari karna aur musalman kay mani hain muteih farman bardar  yani musalman woh hai jo allah aur us kay rasool mohd mutstafa ka farman  bardar aur iat guzar ho aur agar koee shakhs allah aur us kay rasool mohd mutafa kay ahkam ki khilaf wazi karta hai to isay khud soch laina chahiye kay woh kis had tak musalman hai

Question: Allah tala nay qurane hakeem mein musalmanon ki kiya hukam diya ha?
Answer: Allah tala nay qurane hakeem ki surah baqrah mein hukam diya hai kay “woh islam mein mukamal tor par  dakhil hojain “yani in ka hark am islami talimat kay mutabiq hona chahiye  in ka nizame talim in ka iqtesadi aur moashi nizam  aur in ka siyasi aur hakumati nizam in ka tehzib o saqafat ka nizam in ka adab aur shair o shairi ka zakhira gharz har cheez say yeh maloom hona chahiye  kay is ka taluq musalmanon say hai in ka bachpan   in ki jawani in ka burhapa in ki mulazimat aur karobar in ka khana pina in ka rehan sehan in ka sona jagna ,in ki shadi biyah  gharz in ka hark am allah aur allah kay rasool mohd musafa kay ahkam kay mutabiq hona chahiye tab woh a pnay aap ko musalman kehla saktay hain. Islam khanon mein taqseem nahin hai kay Masjid kay ander tak islam ho aur Masjid say bahar nikal kar aik musalman apni marzi say jo chahay karay bulkay aik musalman par lazim hai kay woh apna hark am allah  aur us kay rasool mohd Mustafa kay ahkam ki roshni mein karay isay kisi bhi mamlay mein apni marzi chalany ki ijazat nahin hai.

Question: Quran-e-majeed parhtay huway sanjae tilawat ajai aur is waqt sajda na kiya jai aur bad mein yeh sajda karliya jai to kiya yeh theek hai?
Answer: Sajdae tilawat ki ayat jab parhi jai us waqt bhi sajda kiya jasakta hai  aur agar is waqt na kiya to bad mein bhi yeh sajda kiya jasakta hai laikin karna bahar hal zaroori hai.

Question: Kiya sajdae tilawt baghair wazu kiya jasakta hai?
Answer: Ji han sunnay walay shakhs par bhi sajda tilawat lazim hai

Question: Alhamdolillah quran sharif hifz kiya huwa hai namaz ki bhi paband hoon mahana khususi ayam mein ibadat na karnay kay sabab depression ka shikar hojatihoonindinon mein quran sharif parha jasakta hai? tasbeeh lay kar kalma sharif ya darudo sharif parha ja sakta hai?
Answer: Aurtain apnay makhsoos ayam mein quran sharif to nahin parh sakteen  albatta tasbeeh par karma sharif parh sakti hain aur darud sharif bhi parh sakti hain.

Question: kehtay hain kay aik sahabi nay yahudi kay thapar mardiya to us nay hazoor mohammad Mustafa say shikayat ki kiya is terha ka koee waqia ahadise Mubarak mein aya hai?
Answer: Hazrat Abu Saeed Khadri Razi Allah Unho bayan kartay hain kay janabe rasool mohammad Mustafa tashrif farma thay kay aik yahudi aap mohammad Mustafa ki khidmat aqdas mein hazir huwa aur shikayat ki kay aiy abu alqasim mohammad Mustafa aap kay ashab mein say aik ansari nay meray mun par thapar mara hai aap mohammad Mustafa nay farmaya usay bulao jab woh ansari agaey aap Mohammad Mustafa nay is say poocha tum nay is kay mun par thapar kiyun mara hai? woh ansari kaynay lagay mein yahudiyon kay pas say guzar raha tha to is yahudi ko mein nay yeh kaytay suna  is zat ki qasam jis nay moosa alaisalam ko tamam insanon par fazilat bakhshi mein nay kaha kiya Mohammad Mustafa par bhi?  Aur mein nay ghussay say maghlun hokar is kay mun par thapar rasid kardiya is par janabe nabie karim Mohammad Mustafa nay irshad farmaya mujhay doosray nabiyon par fazilat mat do qayamat kay din sab behosh hongay sab say pehlay mein hosh mein aaoon ga to mein daikhoon ga kay Hazrat Moosa arsh ka paya thamay huway hongay mujhay nahin maloom kay woh mujh say pehlay  hosh mein agaey ya siray say behosh hi nahin huway tor ki behoshi kay badlay mein is waqt behoshi say bachaliye gaey. Chand doosri ahadis bhi is silsilay mein ghoure talab hain

1. Kisi bhi banday key liye yeh munasib nahin hai kay woh kahay kay mein yani Hazoor-e-Akram mohammad Mustafa Yunus bin mati say behter hoon.

2. Tum nabiyon ko aik doosray par tarjeh na do

3. Tum Allah kay baz nabiyon ko doosray nabiyon say afzal na kaho

4. Tum mujhay Moosa par fazilat na do.

In Ahadise Mubarka ki roshni mein is terha kay ashar parhna “Saray nabi taray dar ka sawali” kisi terha bhi jaiz nahin is mamlay mein nabohot ziyadah ahtiyaz ki zaroorat hai.

Question: Adalat kay zariye larki jo khulah hasil kiya ho kiya woh moasar hoga is khulah kay bad larki doosri shadi karsakti hai?
Answer: Adalat kay zariye larki jo khulah hasil karti hai is mein ail soorat to yeh hai kay adalat nay larkay ko talab kiya  larka adalat mein hazir huwa  aur us nay apna mamla adalat kay rubaru rakha aur doosri soorat yeh hai kay adalat nay larkay ko talab kiya aur larka adalat mein hazir hi nahin huwa pehli soorat mein zaroori hai kay larka Divorced day day tab woh adalati khulah moasar hoga aur agar woh talaq nahin daita to adalati khulah moasar nahin hoga  aur doosri soorat mein jab larka adalat mein hazir hi nahin huwa aur adalat nay larki kay haq mein faisla kardiya to khulah mutasir hoga aur iddat guzarnay kay bad larki kisi bhi doosri jagha shadi karsakti hai larki khulah tab hi hasil karti hai jab isay shohar say shikayat ho aur woh isay achi terha na rakhta ho agar shohar achi terha rakhta ho to koee larki bhi bilawajah talaq ya khulah nahin laina chahti is liye shohar ko chahiye kay woh apni biwi kay sath achay tariqay say rahay aur is kay sath husne saluki say paish aaey aur  piyar mohabbat say usay rakhay is kay sath sakht rawaya na rakhay warna yeh soch lay kay qayamat kay roz is ki bari pakar hogi.

Marriage
Question: Aik musalman kisi eesaee larki ya kisi aisi larki say jo khuda par yaqeen na rakhti ho is kay mazhab aur culture kay mutabiq church mein jakar shadi karsakta hai?
Answer: Musalman mard ahle kitab yani eesaee ya yahudi larki say to islami tariqay say shadi karsakta hai  laikin kisi aisi larki say shadi nahin karsakta jo khuda  par yaqeen na rakhti ho church jakar is larki say un kay culture kay mutabiq shadi nahin ki jasakti

Question: Isterha ki shadi say hone wali aulad ki kiya haisiyat hogi?
Answer: Ahle kitab larki say shadi ki soorat mein woh aulad sahehul nasb hogi aur musalman hogi.

Question: Mukhtalif masalik kay afrad key mabain shadi hojati hai ya nahin?
Answer: Mukhtalif maslakon say taluq rakhnay walay afrad apas mein shadi biyah kar saktay hain.

Question: Koee shakhs ramzanul Mubarak mein namaz-eisha ba jamat ada nahin karsaka tarawih bajamat ada ki to woh shakhs namaz witar bajamat ada karsakta hay ya nahin  ya woh jamat say alag namaz witar ada karay?
Answer: Mazkurah soorat mein namaz witar bajamat ada ki jasakti hai .

Question: Rozay ki halat mein wazuh kartay huway kulli kartay waqt pani ka qatrah halaq key ander chalajai to kiya rozah toot jaigah?
Answer: Ji han mazkurah soorat mein rozah toot jaiga.

Question: Wazuh kartay huway waham ho kay kahin pani halaf kay ander na chala jai to is kay liye kiya kiya jai?
Answer: Ghar gharah na kiya jai mamooli darjay ki kulli karli jai.